Qaramada Midoobay oo ka Fikiraysa in Xayiraada Hubka laga Qaado Soomaaliya

Posted by on Feb 2nd, 2013 and filed under Warar. You can follow any responses to this entry through the RSS 2.0. You can skip to the end and leave a response. Pinging is currently not allowed.

Golaha Ammaanka ee Qaramada Midoobay ayaa ka  fikiraya qaadidda xayiraadda hubka ee Soomaaliya saaran tan iyo 1992-kii, si dowladda cusub ay awood ugu yeelato inay dhisto ciidamo awood leh oo uu dalku yeesho.

Xoghayaha guud ee Qaramada Midoobay, Ban Ki-moon ayaa sheegay in dedaallo dheeraad ah loo baahan yahay si loo horumariyo Ciidamada Qaran ee Soomaaliya, sidaas darteedna Golaha Ammaanka uu tixgelin siinayo, isla markaana uu ka fikirayo codsigii dowladda ee ahaa in xayiraadda hubka laga qaado dalka.

“In kastoo ammaanka Soomaaliya uu aad u wanaagsanaaday, halganka wali ma dhammaanin. [Kooxaha] wax iska caabbinta waxay wali wadaan inay fuliyaan weerarradooda iyagoo isticmaalaya weerarro argagixiso iyo shirqoollo bar-tilmaameed,” ayuu yiri Ban Ki-moon.

Waxa uu ka digay in qas-wadeyaasha la siiyo fursad ay ku soo noqdaan, si aanay taas u dhicinna waxa uu sheegay inay tahay in la feejignaado.

Qaramada Midoobay ayaa Soomaaliya saartay xayiraadda hubka, si loo yareeyo dhiigga ku daadanayay dagaallada sokeeye ee dalka ka qarxay markii xukunka laga tuuray dowladdii madaxweynihii hore, Maxamed Siyaad Barre.

Soomaaliya oo dowlad rasmi ah yeelatay sanadkii hore ayaa dhowr jeer ka codsatay Qaramada Midoobay in xayiraadda hubka laga qaado dalka, si loo dhiso ciidamo tayo leh oo hanta amniga, isla markaana dalka ka sifeeya al-Qaaciddada hubaysan.

Kala soco warar sugan: Ishabaydhaba.com

Email: Ishabaydhaba@hotmail.com

You are not authorized to see this part
Please, insert a valid App IDotherwise your plugin won't work.

Leave a Reply

Premium WordPress Themes
Premium WordPress Themes
Please Write to us via these Emails: Ishabaydhaba@hotmail.com, zoobeyare@hotmail.com
Copyright © 2011. All Rights Reserved. Developed by: Kulung Technology