IshaBay Dhaba

DAAWO: Beesha Mataan Cabdule oo si Adag uga Jawaabay Hadal ka soo Yeeray Duqa Muqdisho Tarsan oo ahaa in Muqdisho ay ka Dhaxeyso…

Mohamed — Thu, 20 Jun 2013 09:53:19 +0000

Kala Soco Warar Sugan: Ishabaydhaba.com

Wararka Dibada: Daawo FBI-da Mareykanka oo Shaacisay in Siinayso $65,000 Qofkii Macluumaad ka Keena Nin Doonayay in uu Qarxiyo (Time Square)

black — Thu, 20 Jun 2013 09:07:55 +0000

Laanta baarista danbiyada u qaabilsan dalka Maraykanka ee (FBI-da), loogu yeero ayaa baahisay muuqaal Fidiiyow ah oo ay ku sheegtay in uu yahay nin doonayay inuu qarxiyo fagaaraha (Time Square), ee magaalada New York, sanadkii 2008-kii, FBI-du waxay balan qaaday in qofkii macluumaad ka bixiya ninkaas ay siinayso $65,000 lixdan iyo shan kun oo dollar.

Faysal Maxamed Xasan

Kala Soco Warar Sugan: Ishabaydhaba.com

Email: Ishabaydhaba@hotmail.com

3 Qof oo ku Dhaawacantay Is-rasaaseyn ka Dhacday Magaalada Kismaayo

Mohamed — Thu, 20 Jun 2013 08:42:46 +0000

Ugu yaraan hal qof ayaa ku dhintay, saddex kalena waa ay ku dhaawacmeen is-rasaaseyn xaafadda Calanley ee magaalada Kismaayo xalay ku dhex martay ciidamo beeleedyada ku wada sugan Kismaayo.

Ma jiro wax war ah oo ilaa iyo hadda ka soo baxay saraakiisha ciidamada ku sugan Kismaayo oo ku aadan iska hor imaadka khasaaraha ka dhashay.

Ammaanka magaalada Kismaayo ayaa in dhowaaleba sii xumaanayay, iyadoo Talaadadii halkaas lagu dhaawacay Yaasiin Nuur Gaas (Yaasiin Raadeer) oo ka mid ah saraakiisha Raaskambooniyiinta oo haatan dhaawaciisa lagula tacaalayo isbitaal ku yaalla magaalada Nairobi ee dalka Kenya.

Kala Soco Warar Sugan: Ishabaydhaba.com

Email: Ishabaydhaba@hotmail.com

Gu. ku Xigeenka Baarlamaanka Soomaaliya Jeylaani Iikar oo la Kulmay Gu. Baarlamaanka Belgium Sabine De Bethune

Mohamed — Thu, 20 Jun 2013 08:28:54 +0000

Guddoomiye ku xigeenka koowaad ee baarlamaanka Soomaaliya Jeylaani Nuur Iikar iyo wafdi uu hoggaaminayay oo uu wehliyo safiirka Soomaaliya u fadhiya Midowga Yurub iyo dalka Talyaaniga Nuur Xasan Xuseen (Nuur Cadde) ayaa magaalada Brussels ee xarunta waddanka Belgium kulan kula yeeshay guddoomiyaha baarlamaanka dalka Belgiumka Sabine De Bethune.

Kulanka oo ka dhacay xarunta baarlamaanaka dalka Belgium ayaa labada dhinac waxa ay uga wada hadleen sidii ay is kaashi dhan walba ah u yeelan lahaayeen labada baarlamaan ee Soomaaliya iyo Belgium, iyagoo isku af gartay inay yeesheen xiriir wada shaqeyneed oo joogta ah.

Wafdiga baarlamaanka Soomaaliya ee uu hoggaaminayo guddoomiye ku xigeenka koowaad ee baarlamaanka Jeylaani Nuur Iakar ayaa magaalada Brussels ee xarunta Midowga Yurub uga qeyb galay kulanka baarlammaanada Africa iyo Yurub muddo 20-sano ah kaddib.

Kala Soco Warar Sugan: Ishabaydhaba.com

Email: Ishabaydhaba@hotmail.com

Raaskambooniyiintii ku Dhaawacmay Dagaaladii Kismaayo oo loo Qaadayo Deegaanada Puntland

Mohamed — Thu, 20 Jun 2013 08:04:40 +0000

Wararka aynu ka helayno magaalada Kismaayo ee xarunta gobolka Jubbada hoose ayaa waxay sheegayaan in qaar ka mid ah dadkii ku dhaawacmay dagaaladii dhawaan ka dhacay magaalada Kismaayo loo qaadayo magaalada Garoowe ee maamulka Puntland si halkaasi loogu soo dabiibo, iyadoo warar kale ay sheegayaan in dadka loo kala qeybin doono magaalooyinka Boosaaso, Garoowe iyo Gaalkacyo.

Sida warku sheegayo 23 qof oo ka mid ahaa dadkii ku dhaawacmay dagaaladii kismaayo ka dhacay horaantii bishan June ayaa la sheegay in maanta la geynayo cusbitaallo kuyaalla Puntland si loogu daweeyo, waxaana sidaa u xaqiijiyey qaar kamid warbaahinta ka howlgasha puntland masuuliyiin ka tirsan wasaaradda caafimaadka ee Puntland taas oo ka dambeysay kadib markii maamulka Boobland ay Puntland ka codsadeen daawaynta dadkan dhaawaca ah.

Sida warku sheegayo dhaawacyadan ayaa u badan kuwo dhaawacyadooda lagu daweynkaro gudaha dalka ayna isugu jiraan kuwo fudud iyo qaar xaaladooda lagula taacilo karo gudaha dalka, waxaana la sheegay in dadka aan waxba looga qabankarin gudaha dalka loo qaadi doono magaalooyinka Nairobi iyo Addis Ababa si halkaasi xaaladooda caafimaaf loogu soo dabiibo.

Kala Soco Warar Sugan: Ishabaydhaba.com

Email: Ishabaydhaba@hotmail.com

Ingiriiska, Ayrland, South Africa, Kenya iyo Ethiopia oo sheegay in ay Dad uga Dhinteen Weerarkii Shalay ee Muqdisho

Mohamed — Thu, 20 Jun 2013 07:57:27 +0000

Dowladaha Ingiriiska, Ayrland, South Afrika, Kenya iyo Itoobiya oo siyaabo kala duwan uga hadlay qarixii ismiidaaminta ahaa iyo dagaalkii daba socday ee shalay lagu qaaday xarunta Qaramada Midoobay ay ku leedahay magaalada Muqdisho ayaa sheegay inay uga dhinteen dad u dhashay dalalkooda oo u shaqeynayey hay’adaha Qaramada Midoobay.

Dowladda Ingiriiska ayaa sheegtay in qarixii shalay iyo dagaalkii xigay ee lagu qaaday xarunta UNDP ay uga dhinteen sedex ruux oo muwaadiniinteeda ka mid ah, waxayna intaasi ku dartay in dadkaasi lagu layahay nolol iyo geeri, balse ay iyagu ku xisaabeen sida ay tiri inay dhinteen dadkaasi, kuwaas oo ay sheegtay dowladdu in markii ugu wardambeysay ay ku jireen gudaha xarunta hay’adda Qaramada Midoobay ee UNDP-da ka hor inta aan weerarka lagu qaadin, una maleynayaan in la dilay.

Sidoo kale dowladda Ayrland oo iyana ka hadashay dhacdadii shalay ka dhacday Muqdisho ayaa waxay sheegtay in qaar ka mid ah muwaadiniinteeda oo dhinaca ammaanka Qaramada Midoobay u qaabilsanaa ay ku dhinteen weerarkii lagu qaaday xarunta UNDP-da, waxayna intaasi ku dartay dowladda Ayrland inaysan cabsi gelin doonin weerarada noocaasi oo kale ah, shaqaalahoodana ay ka sii mid ahaan doonaan hay’adaha Qaramada Midoobay ee Muqdisho ku sugan.

Dhinaca kale dowladda South Afrika oo iyana qaraxa ka hadashay ayaa sheegtay in labo ka mid ah shaqaalahooda ay ku dhinteen, waxayna xustay in labadaasi nin ay la shaqeynayeen hay’ad dhinaca amaanka u qaabilsan Qaramada Midoobay, iyadoo sidoo kale sheegtay in mid kale oo ka mid ah muwaadiniintooda uu soo gaaray dhaawac aysan sheegin inta uu gaarsiisanyahay, inkastoo ay shaacisay in Kenya hadda lagu dabiibayo.

Dhanka kale dowladda Kenya oo iyana si kulul uga hadashay qarixii ismiidaaminta ahaa ee UNDP-da iyo dagaalkii xigay ee lagu qaaday ayaa waxay sheegtay in sedex ka mid ah muwaadiniinteeda ay ku dhinteen qaraxaasi, waxayna xustay in shaqaale aan toos aheyn ay u ahaayeen Qaramada Midoobay, waxayna ku sheegtay inay ahaayeen qandaraas layaal si dadban ula shaqeynayey hay’adaha Qaramada Midoobay gaar ahaan UNDP-da.

Ugu dambeyntii dowladda Itoobiya oo ka hadashay weerarkii ismiidaaminta ahaa ee lagu qaaday xarunta Qaramada Midoobay ay ku leedahay gudaha dalka Soomaaliya ayaa sheegtay in qaar ka mid ah muwaadiniinteeda oo ka mid ahaa shaqaalaha hay’adaha Qaramada Midoobay ay dhaawacyo iyo dhimasho ka soo gaartay weerarkaasi, mana sheegin dowladda Itoobiya tirada muwaadiniinteeda uga dhimatay amaba uga dhaawacantahay qarixii sababay dhimashada badan ee lagu qaaday xarunta UNDP-da.

Kala Soco Warar Sugan: Ishabaydhaba.com

Email: Ishabaydhaba@hotmail.com

Ban Ki-Moon oo sheegay in Weerarkii Shalay Marnaba uu ka Hor Istaagi Doonin Taageerada ay Siiyaan Soomaaliya

Mohamed — Thu, 20 Jun 2013 06:12:37 +0000

Kadib weerarkii maalintii shalay lagu qaaday xarunta hay’adda UNDP ee magaalada Muqdisho, ayuu sheegay xog-hayaha guud ee QM Ban Ki Moon in weerarkasi marnaba ka baajin doonin taageerada ay siiyaan Soomaaliya.

Ban Ki Moon ayaa sheegay in uu siweyn uga naxay markii uu soo gaaray warka ku saabsan in weerar lagu qaaday xafiiska UN-ka ee magaalada Muqdisho, laakiin waxaa uu sheegay in ay sii wadi doonaan tageerada dowladda Soomaaliya.

“Aad ayaa uga naxay weerarkii shalay lagu qaaday xarunta UN-ka ee magaalada Muqdisho, QM waxaa ay xoojin doontaa tageerada ay siiso dowladda Soomaaliya si markaa dib loogu soo celiyo nabada Soomaaliya,”’ ayuu yiri Ban Ki Moon.

Baan Kii Moon, ayaa la sheegay waxyar kadib markii uu weerarka dhacay in uu qadka Taleefanka kula soo xiriiray madaxweynaha Soomaaliya Xasan Sheekh Maxamuud, waxaana uu uga tacsiyeeyay dadkii ku dhintay weerarka, waxaana uu ballan qaaday in QM ay sii wadi dooto taageeradeeda Soomaaliya.

Wakiilka gargaar ah ee xog-hayaha guud ee QM u qaabilsan arrimaha Soomaaliya Nicholes Kay oo warbaahinta kula hadllayay magaalada Muqdisho, ayaa sheegay in weerarkaasi uu ahaa mid argagixiso, siina wadi doonaan shaqada ay la qabanayaa dowladda Soomaaliya.

Kala Soco Warar Sugan: Ishabaydhaba.com

Email: Ishabaydhaba@hotmail.com

Daawo Muuqaalka: Weerarkii Cuslaa ee Maanta Lagu Qaaday Xarunta UNDP ee Magaalada Muqdisho

admin — Wed, 19 Jun 2013 19:08:44 +0000

Kala Soco Warar Sugan: Ishabaydhaba.com

Email: Ishabaydhaba@hotmail.com

Madaxweyne Xasan oo Weerarkii Maanta Lagu Qaaday Xarunta UNDP ku Tilmaamay mid Fuleynimo ah, Una Tacsiyeeyay Ban Ki-moon

admin — Wed, 19 Jun 2013 18:52:28 +0000

Madaxweynaha Soomaaliya, Xasan Sheekh Maxamuud ayaa cambaareeyay weerarkii maanta lagu qaaday xarunta Qaramada Midoobay ee Muqdisho (UNDP).

Madaxweynaha ayaa weerarkaas ku tilmaamay mid fuleynimo ah lala beegsaday dad aan waxba galabsan, oo isugu jiray dad rayid ah, shaqaalaha Qaramada Midoobay iyo shakhsiyaad ilaalo u ahaa xarunta.

Madaxweynaha ayaa u tacsiyeeyay ehelada dadkii ku geeriyooday weerarkii maanta, isagoo Alle uga baryay in uu siiyo caafimaad ee deg-deg ah dadkii ku dhaawacmay weerarka.

Xasan Sheekh Maxamuud ayaa caddeeyay in uu la hadlay xoghayaha guud ee Qaramada Midoobay Ban ki-Moon iyo wakiilkiisa Soomaaliya Nicholas Kay oo uu uga tacsiyeeyay shaqaalihii maanta uga dhintay weerarkii ka dhacay Muqdisho.

Madaxweynaha ayaa ku ammaanay ciidamada dowladda iyo kuwa Midowga Afrika sida ay jawaabta dhaqsada leh uga bixiyeen weerarka iyo dadaalka ay u galeen badbaadinta shacabkii iyo shaqaalihii ku sugnaa xarunta Qaramada Midoobay.

Kala Soco Warar Sugan: Ishabaydhaba.com

Email: Ishabaydhaba@hotmail.com

Faahfaahin la Xiriirta Weerarka Maanta Lagu Qaaday Xarunta UNDP (Sawirro)

admin — Wed, 19 Jun 2013 18:37:29 +0000

Ugu yaraan 15 qof oo ay ku jiraan raggii is miidaamiyey ayaa ku dhintay, tiro kalana waa ay ku dhaawacmeen weerar isugu jiray isqarxin iyo rasaas toos ah oo maanta lagu qaadday xarunta hay’adda Qaramada Midoobey u qaabilsan horumarinta ee UNDP oo ku taalla wadadda u dhexeysa garoonka diyaaradaha iyo isgoyska Nambar afar ee magaalada Muqdisho.

Weerarka ismiidaaminta oo loo adeegsaday gaari ayaa ka dhacay bannaanka hore ee xarunta UNDP, kaddina ay guddaha u galeen afar ka mid ah kooxaha hubeysan, kuwasoo ay rasaas isweydaarsadeen ilaalada xarunta.

Wasiirka arrimaha Guddaha iyo amniga Qaranka Cabdikariin Xuseen Guuleed ayaa saxaafada u sheegay in weerarka ay ku dhinteen 15 qof, oo isugu jiray afar ajnabi ah oo ka mid ahaa shaqaalaha UNDP u qaabilsan xagga amniga, tododobo ka mid ahayd raggii ismiidaamiyay iyo afar Soomaali ah oo illaalo ka ahaa xaruinta UNDP.

Ciidamada dowladda federaalka ee Soomaaliya iyo kuwa AMISOM oo xarunta gaaray ayaa iska hor-imaad socday inka badan saacad kaddib waxay ku guuleysteen in ay xarunta la wareegaan, oo ay badbaadiyaan shaqaalihii ku sugnaa.

Qaar ka mid ah shaqaalaha Qaramada Midoobay oo ku sugnaa xarunta ayaa ciidamada dowlada iyo kuwa AMISOM ay badbaadiyeen waxaana la geeyay goob ammaan ah.

Kooxda Al-Shabaab ayaa sheegatay weerarkan, waxayna bogga ay Twitter ku leedahay ku soo bandhigtay in ay ku dishay dad ajinebi ah sida ay hadalka u dhigtay, lana wareegtay gacan ku heynta xarunta.

Waa weerarkii ugu horreeyey oo noociisa oo kale ah oo xarun ay Qaramada Midoobey ku leedahay Muqdisho lagu qaado.

Weerarkan oo kale ayaa ka dhacay bishii April maxkamadda gobolka Banaadir, halkaasoo lagu dilay inka badan 30 qof.

Kala Soco Warar Sugan: Ishabaydhaba.com

Email: Ishabaydhaba@hotmail.com